YE SUAWSAR

             
Ye Suawsar

Fir samay tujhko na chhal jaaye kahin

Ye suawsar na nikal jaaye kahin

Aag lagne ka tamasha dekhna mat

Kal tera ghar bhi na jal jaaye kahin

Jab pareshani me hai ye zindagi

Kal ki chinta me hai dooba har koi

Bhrast system ki kadahi me ubalta

Krodh tera na pighal jaaye kahin

Kab talak baithenge ab khamosh hum

Doosron ko denge kab tak dosh hum

Haath haathon se milakar dekh , shaayad

Teri kismat bhi badal jaaye kahin

Waqt ki aawaz ko pahchaan le

Kaun achchha ya bura hai jaan le

Bhrasht shasan ki jadon ko kaatne ka

Faisla tera na tal jaaye kahin

Ye suawsar na nikal jaaye kahin

Sunil_Telang/06/08/2012