AB TO JAAGO

                                        Ab to jaago

    A request from Women of our country to our Honorable P M of India

Lafz kya kahte hain,Sun lo, Ab to jaago

Ashq kyon bahte hain ,Dekho, Ab to jaago

Kitni ummeedon se tumko apna maana

Har sitam me dukh ka saathi tumko jaana

Naariyon  ki laaj lut-te dekh kar bhi

Aap chup rahte hain, Bolo, Ab to jaago

Aap bhi insaan hain patthar nahin hain

Aap ke  kad  se koi badhkar nahin hain

Kaun si majbooriyon me, roz taane

Aap yun sahte hain, Bolo, Ab to jaago

Desh ka samman naari se raha hai

Har janam me usne  kitna dukh saha hai

Desh ke sartaaz ko aksar nikamma

Log kyon kahte hain, Bolo, Ab to jaago

Sunil_Telang/14/07/2012